en français | en español | auf Deutsch
in het Nederlands | no português
in italiano | на русском языке | Afrikaans
Translation by BabelFish

Visit Our New Book Stall!!

Bekendstelling van ons nuwe tydskrif
Our Liberation

Die Bekeerling se Verklaring

JHWH is ons GOD, JHWH Alleen
Welkom by die Ebionietiese Joodse (Jawistiese) gemeenskap

Calendar does not work correctly in Internet Explorer.

Ons bring die Goeie Nuus sedert 1985!
Berou, Tora, en die vrystelling van
GOD se Regering

Die Ebionietiese Manifes

Die Ebionietiese Gemeenskap is die lewende voortsetting van die Joodse godsdienstige beweging van Jesus (Jeshua). Christelikheid is die godsdiens van Paulus en andere, en is nie deel van die bybelse geloof, die openbaring van die God van Israel en nog minder van Jesus nie.
Ons verklaar die man, Paulus van Tarsus, die vals leraar teen die merk van die Verbond en God se Wet (Tora), as buite die Weg van Jeshua (Jesus), die gesalfde, seun van Josef en Miriam.
Laat sy naam, Paulus die afvallige, vervloek wees omdat hy God se Wet 'n vloek genoem het. Laat die droefenis wat die heidene, deur Paulus se lering ge-inspireer, oor die Naam van God en Sy Volk gebring het, so 'n groot skande oor die heidene bring, dat die ordentlike mense onder hulle God sal soek, in berou vir die groot sonde van die man van Tarsus se leringe (mitraisme). Laat die heidene se voorhoof en arm ombind wees met God se Tora, om die merk van wetteloosheid van hierdie afgod's dienaar te weerstaan.
Ons roep die heidene op om berou te kry, die afgod's diens en sogenaamde vals nuwe testament te verlaat, en 'n ware verbond aan te gaan met die Heilige van Israel deur navolging van die Tora, besnydenis en indompeling om daardeur onderwerping en voorbereiding te doen vir die Heerskappy van God as broeders en susters wat goeie werke aan die dag lê.
Julle onderwysers, pouse, predikante, priesters, pastore en leiers lei julle tot in die buitenste duisternis. Hulle belieg jou, besteel jou, misbruik jou en gebruik jou om so aan ander te doen in hulle sug om die hele wereld te verteer. Hulle is afgodsdienaars wat aan die borste van Mammon voed en het die ryk van Edom vir twee duisend jaar gebou.
Ons stel jou "apostel", jou "testament", jou samelewing, jou kerk en sy regering en jou regering bloot as vals. Ons sweer trou en ons hoop is tot die God van Israel alleen.

Jawisme, die geloof van die Geskrewe Wet deur die Een God gegee, is 'n revolusionêre sisteem van leefwyse met geregtigheid wat alle ander regering sisteme en ideologië ver oorskadu. Die Ebioniete is bowenal Jawiste. Dit laat toe vir Een Regeerder, die God van Israel alleen, met niemand naas hom nie. God is nie 'n mens nie, en geen mens is god nie. Geen mens kan vir jou in die bresse tree by God nie, behalwe jy jouself en net jy kan jouself verootmoedig vir jou sondes met berou en regmaking tot God en tot jou naaste teenoor wie jy oortree het. Jy sal nooit God, JHWH, Koning van die Heelal, wereld binne werelde, werelde sonder einde, in 'n kerk of praalgebou waar gebuig word voor beelde, hout of 'n mens, vind nie. Breek af julle kerke. Neem die hout en bakstene en bou huise vir die armes, gebruik julle hout kruise vir brandhout om die armes te verwarm, verkoop julle skatte en afgode en koop kos en medisyne vir die siekes : bring alle mense om die knie te buig voor die God van Israel.

Die volgelinge van Jeshua het hom nie aanbid nie en ook nie na hom opgesien vir hulle redding nie. Hulle het nie weggedraai, bygesit of weggeneem van God se Tora nie. Hulle het alleenlik die God van Israel aanbid. In 'n tyd toe te veel van die Joodse elite van die heidense praktyke begin toepas het en God se Tora begin skik het na hulle omstandighede of heeltemal die wet oorboord gegooi het en 'n lewe gemaak het deur die armes uit te buit soos wat die heidene gedoen het, het Jeshua gekom met 'n boodskap van God. Soos die profete voor hom, het hy die oortreders uitgewys, en gevra vir berou en 'n terugkeer na die Tora as die weg na reg en geregtigheid.

Een man het die sluier van die wereld gelig om te sien en te leer dat daar alleenlik een God, Sy Verbond en die mense van Sy verbond is, en dat hierdie verhouding enige tyd herstel kan word. Dit is in afwagting om oop te bars wanneer die mense besluit om God se Regering te aanvaar instede van korrupte konings, priesters en onderhoriges van die heidense status quo gedryf deur hebsug, rykdom en uitbuiting. As ons God se Tora binne-in ons dra - die Verbond hernu en in ons hart skryf - en al die ander gesag as ongeldig en oneg verwerp word, dan sal dwang, geweld, hebsug, uitbuiting, ongeregtigheid, valsheid en selfs regering wegval soos skubbe van ons oë. Die seëninge in die Verbond sal verwesenlik word, Israel sal die lig van al die heidene word, en hulle sal ook tot die God van Israel draai. Op hierdie manier, sal elke mens 'n gesalfde van God wees, net soos hy was, en die gees van heiligheid - die hart oopgemaak vir die Skepper van die heelal en Sy wonderlike skepping, wereld binne werelde, wereld sonder einde - sal ons lei om die wereld te herstel en as vennote van God die wereld te onderhou soos 'n tuin. Hierdie man, Jeshua, die seun van Josef en Miriam, was 'n profeet wat geprofeteer het van God en Sy weg om ons te red van 'n planeet sonder 'n verhouding met Hom, en die profesie was aangegryp deur die uitgebuite armes (ebioniete) wat uitgeroep het vir God se geregtigheid. Na sy anti-regerings leringe hom 'n bedreiging vir die gesaghebbende regering van Rome gemaak het, was hy ge-arresteer en tereggestel soos met meeste opstandiges. Sy beweging het aangegaan na sy dood, gelei deur 'n paar nabye volgelinge en sy broer Jakob (Latyns - Jakobus) in ekonomiese ko-operatiewe gemeenskappe, in gedagtenis en verering aan Jeshua as hulle gesalfde leraar, profeet en martelaar. Hierdie was 'n Joodse beweging in elke opsig. (Die Ebioniete van vandag is nog steeds wetsgehoorsame Jode wat besny is volgens die Verbond met God).

Maar toe gebeur iets. Ons sal nooit seker wees hoe dit tot stand gekom het nie, of dit as gevolg van skuldgevoel, of psigose, of 'n begeerte om Joodse en heidense (Hellenistiese) kulture saam te smelt, of 'n heidense hervertolking van die Joodse geskrifte, of hallusinasies, of 'n skema deur die Romeine om Jeshua se beweging te paai, of gewoon onkunde van die Joodse geskrifte, of 'n kombinasie van al hierdie. Maar as gevolg hiervan het Christendom tot stand gekom, 'n godsdiens ontwerp deur Paulus van Tarsus en sy volgelinge as 'n direkte verdraaiing van die beweging van Jeshua en 'n aanval op Israel en die God van Israel. 'n Mens hoef net te kyk na die Christendom se heidense geloof en weersprekende praktyke, en hulle geskiedenis van vervolging van God se Uitverkore Volk, en onstilbare honger na siele, nasies en rykdom ; die wrede en meedoënlose instelling van hulle godsdienstige gesag, hulle afgedwonge sensuur op enige siening behalwe hulle eie, die miljoene dooies ge-offer aan hul god en weet dat die Christelike godsdiens nie van die God van Israel is nie.

Toegeneende mense word in hiedie dae ingelig deur die Ebioniete, wat Jeshua se ware roeping is, en waarsku teen die vals geloof wat deur Paulus van Tarsus en ander bedrieërs ingestel is asook die kultuur wat rondom hierdie leuens ontwikkel het. Ons is nie rabbyns, of Karaities of messiaans nie, maar respekteer alle vorme van Jawisme (dit is, die geloof in een enkele God wie se Naam Jawê is). In der waarheid moedig ons Jode aan om Joods te bly, maar ons lei heidene om hulle self aan die Geloof van Israel te bind, maak nie saak of dit rabbyns, Karaities of Ebionieties is nie. (En vele het dit al gedoen!) Ons bied ons fraiingsrand van ons togas aan, aan die heidene wat die God van Israel en Sy heilige Tora soek, en ons verydel die christelike dissipels van Paulus wat Jode en ander met hul sendingswerk bedien.

 Ebioniete is nie gnosties nie, moenie mislei word deur die onkundiges nie.

Ons benadering is om te wys dat Jeshua 'n goeie en geregverdige man was wat sosiale hervorming, berou en bekering te weeg wou bring om sodoende die Messias en die Ryk van God tot stand te laat kom - nie 'n heidense god-man menslike offer nie. Sulke onsin is presies die teenstellling van wat Jeshua voor gestaan en onderrig het. Ons sê dit nie om enige ander geloof te veroordeel nie. Nog minder glo ons dat mense van ander gelowe "vervloek" is. Ons wil eerder Jeshua se boodskap herhaal van berou in voorbereiding vir die onvermybare dag wanneer God sal regeer en almal geseënd sal wees. Christendom en Islam is nie gelowe van God nie. Maar Christendom en Islam kan, met die genade van God, prosesse word waar heidene van God kan leer en vorder tot die Jawistiese geloof. As godsdienste insigself word groot euwels gedoen. Byvoorbeeld die dood van miljoene Jode en ander mense, insluitend die probeerslag tot volksmoord van die groot-slagting (holocaust), was die direkte resultaat van Christendom en die Christelike kultuur. Baie Moslems sou 'n nuwe groot-slagting wou laat plaasvind as hulle nie verhinder word nie. Die oplossing vir sulke euwels is die be-eindiging van beide Christendom en Islamisme so wel as enige tipe van heidendom.
 

Jeshua het gestry teen die skynheiliges, wat geëis het dat hulle. God verteenwoordig het, in sy eie tyd. Hy het opgekom vir slagoffers en was self een, en is nog steeds een terwyl sy boodskap verdraai word deur Christene wat voorgee hulle is sy volgelinge net om die magtiges te dien en die onkundiges onreg aan te doen. Maar Jeshua se boodskap is en was ' God alleen sal regeer ; keer terug na God'.

Ons glo volkome in die boodskappe van die profete voor Jeshua:

· Die nie-Jode (Christene ingesluit) sal wegdraai van hulle afgodsdiens en sonde af en God en Sy dienskneg Israel erken.
· JHWH (Jawê), ons enigste redder, deur sy Tora (wet), oor die wereld van vrede en begrip sal regeer.
· Tora sal in almal se harte geskryf wees en onderhou word in geregtigheid en liefdevolle toewyding.
· Die swakkes sal die aarde beërwe en uitbuiting sal ophou.


Ons nooi u uit om meer van ons te leer deur onderwerpe te lees in "The Evyonim" (Engels)  The Evyonim.